Cancer aik aisi bemari hai jo sirf jismani nahi, balkay roohani aur jazbati tor par bhi insaan ko kamzor karti hai. Jab medical treatment ke sath rohani ilaj ko shamil kiya jaye, to na sirf himmat barhti hai balkay dil ko sukoon milta hai aur roohani taqat bhi hasil hoti hai. Qurani ayaat aur wazifon ka asar insan ke andar umeed aur yaqeen jagata hai, jo kisi bhi bemari ke ilaj mein intehai ahem hota hai.
Cancer ke rohani ilaj ke liye rozana Surah Al-Rehman ka tasalsul se sunna ya parhna dil aur rooh ko sakoon deta hai. Iske ilawa, "Ya Shafi, Ya Kafi, Ya Muafi, Ya Allah" ka 313 martaba wazifa parhna aur pani par dam karke peena faida mand sabit ho sakta hai. Har namaz ke baad Allah se dilli lagan ke sath dua karna bhi intehai zaroori hai.
Yeh yaad rakhein ke rohani ilaj kisi bhi medical treatment ka alternative nahi, balkay ek aisi roohani madad hai jo himmat, sabr aur shifa ka zariya ban sakti hai. Allah par yaqeen aur lagan ke sath ki gayi har dua kabool hoti hai – aur shifa usi ke haath mein hai.
